RIVOJLANGAN MAMLAKATLARDA RAQAMLI TRANFORMATSIYANI BANK TIZIMIGA TA’SIRI

Abstract

Mazkur maqolada rivojlangan mamlakatlarda bank tizimida amalga oshirilayotgan raqamli transformatsiya jarayonlarining buxgalteriya hisobi va audit tizimiga ko‘rsatayotgan ta’siri ilmiy-nazariy hamda amaliy jihatdan tahlil qilingan. Tadqiqotda raqamli bank infratuzilmasining shakllanishi, moliyaviy operatsiyalarni avtomatlashtirish, naqd pulsiz to‘lovlar ulushining ortishi hamda axborot tizimlarining keng joriy etilishi bank boshqaruvi va nazorat mexanizmlarini qanday o‘zgartirayotgani o‘rganilgan. Shuningdek, xalqaro auditorlik standartlari hamda riskga asoslangan audit modeli asosida bank faoliyatidagi kredit, likvidlik va operatsion xavflarni baholash masalalari yoritilgan. Tadqiqot natijalari shuni ko‘rsatadiki, raqamli transformatsiya sharoitida audit jarayoni an’anaviy tekshiruv modelidan ma’lumotlar tahliliga asoslangan uzluksiz nazorat tizimiga o‘tmoqda. Maqolada banklarda raqamli hisob siyosatini shakllantirish, ichki audit tizimini modernizatsiya qilish hamda axborot xavfsizligini ta’minlash bo‘yicha ilmiy asoslangan taklif va tavsiyalar ishlab chiqilgan.